Os EVA son espazos creados na rede para facilitar actividades de
aprendizaxe e para incentivar a interacción social entre os participantes.
Algúns dos entornos virtuais que máis destacan son os edublogs, as wikis ou as
aulas virtuais.
A isto podemos engadirlle outros recursos e ferramentas de
interese. Das opcións dispoñibles, paréceme especialmente produtivo o uso do
programa Audacity, que permite tanto gravar producións orais como modificar
rexistros sonoros xa existentes (cancións, audios extraídos de
vídeos,...)
Nunha aula de linguas
estranxeiras poderiamos empregalo da seguinte maneira:
- Propoñémoslle ao alumnado que, en relación a algún tema
visto na clase, cree unha breve composición que conteña os conceptos
esenciais do tema escollido.
- Unha vez elaborada a composición, o alumnado debe
gravala, a modo de rap, coa axuda do programa Audacity.
- Feita a gravación, o alumnado pode modificala engadindo
sons dos que dispón o programa, creando así a súa propia canción de
rap.
- Este proceso sérvenos para traballar as expresións escrita e oral, ao mesmo tempo que estamos repasando conceptos vistos na aula.
- Da mesma forma, o alumnado familiarízase coas tecnoloxías e coa función pedagóxica que estas poden desempeñar.
Ningún comentario:
Publicar un comentario